عالمي الخاص~همس ..ضحكـ.. وفرفشة

بقول لكم عن موقف صار لي ..


..


كنت يا طويلين العمر قايمة من صباح الله خير من الساعه 8 علشان اريد اعرف نتيجتي .. وكنت خاايفه مرة ومب قادره اتصل في الكليه .. ويالسه ارسل للبنات وأشوف الاوضاع .. حالتي كانت لا توصف بصراحه ..

ولا بعد دقايق يتصل حد في تلفون البيت .. ودار الحوار التالي ..


المتصل :: الو السلام عليكم

شيخه :: وعليكم السلا والرحمة ..

المتصل :: هذا بيت فلان بن فلان ..

شيخه :: اي هو ..

المتصل وبدون سابق انذار وبصريخ بعد :: من ماااااااااااااااات عندكم ؟؟؟

شيخه :: وبصدمة وعشر ن علامة استفهام في راسها شوووووووووووووووووووووو هاااا لالا محد مات

<< والي زاد الطيبن بله اهلي محد مسافرين

المتصل ::عم ابوك مااااات ؟؟

شيخه :: لالالا محد مات عندنا

المتصل :: بس في عندنا ناس متحركين من منطقتنا الى منطقة (....) يقولوا رايحين نعزي فلان بن فلان ميت عمه

شيخه :: ومب عارفه شو تقول قلت لالا محد ميت :<< ماسكه هالجمله بعدين قلت له مااعرف شي انا

المتصل :: اوكي طيب مع السلامه

رحت على طول اقوم اختي .. قلت لها قومي بسرعه واحد متصل يقول عم ابوي ميت بسرعه بسرعه وتنط من فوق السرير شوووووووووووو منو هذا ومن قالج وكيف وليش ومتى قلت لها مااعرف اتصلي فأبوي فأمي في اي احد بسرعه

قالت شو اقولهم يمكن هم ما يعرفوا الحين هم مسافرين قلت لها انتي اتصلي واذا كان عندهم خبر بتعرفي من طريقة الكلام .. اتصلنا ومحد يرد اخر شي قررنا ننتصل في عمي .. وقبل لا نتصل قلت لها تعالي

الي متصل يقول انه الي متحركين رايحين المنطقة الفلانيه وابوي ما عنده غير عم واحد وساكن في منظقة ثانيه كيف كذا قالت ماادري اتصلنا في عمي .. عمي في الشغل وقتها قال عطوني رقمه .. عطيناه رقمه ودق عليه ورد علينا قال رد علي شايب وما عرفت منه لا حق ولا باطل .. المهم في الحلقة الاخيره طلع محد ميت الحمدلله واتصلنا في جدي وطلع بصحه وعافيه الحمدلله << له طولة العمر يااااااااااااااااارب

والشايب المعفن هذا شكله حالم حلم واتصل طيح قلبي الله يغربل بليسه .. صار عندنا في البيت حالة طوارئ نتصل في فلان وعلان وما نبا نقولهم عن الخبر بس نتصل ونشوف اذا عندهم خبر بنشوف اصواتهم غير بس كان يضحكون ويسولفوا هع هع هع


المهم هذا الموقف صار لي امس والله لا يعود مثل هالمواقف الشينه